Musika familian - Arabarnee

Marta Nieto Gavilánek emandako hileko musika-tailerrak, Recrearten programatuak, 2025eko urtarriletik abendura (uztaila eta abuztua izan ezik).

Zein da tailer honen izaera?

Modalitatea: Presentziala
Noiz: Ostiraletan, 17:30etik 18:30era
Aurrekontua: Dossieran zehaztuta dago
Norena da tailerra: Marta Nieto Gavilán

Zertan datza tailer hau?
Tailer hau harrera ona eta sormen-giroa eskaintzen duen espazio gisa pentsatuta dago, hezkuntza-behar bereziak dituzten haurrek, haien anai-arrebek eta erreferentziazko pertsonek (ama, aita, aitona-amonak…) une dibertigarri eta esanguratsu bat partekatu ahal izan dezaten.

Musika, dantza, artea eta joko dramatikoa erabiliko ditugu elkarrekin sortzeko, adierazteko eta familia giroan gozatzeko.

Zer lortu nahi dugu?

Loturak sortu: Familiako kideen arteko konexioa eta elkarreragina sustatzea, bakoitzak bere gaitasun pertsonalak eta sozialak giro atsegin eta errespetuzko batean garatu ahal izan ditzan.
Elkarrekin sortuz gozatzea: Sormena partekatzea sustatzea, familiako kide bakoitzak bere garrantzia sentitu dezan eta taldearen parte aktibo eta funtsezko gisa bizi dadin.
Maitasunez estimulatu: Haur eta neska-mutilei garapenean laguntzeko jarduera sentsorialak proposatzea, eta familiek egunerokoan haiekin egoteko tresna berriak deskubritzea.

Zer gehiago nahi dugu lortu tailer honekin?

Partekatzea gozatzeko: Familia osoak —hezkuntza-behar bereziak dituzten haurrak, anai-arrebak eta helduak— jarduera berdinetan parte hartu eta talde bereko kide gisa senti daitezen.
Esperientzia bateratzaileak bizitzea: Familiek elkarrekin esperientzia aberasgarriak parteka ditzaten sustatzea, musika adierazpen emozionalerako, entzute aktiborako eta taldean integratzeko bide gisa erabiliz.

Zer egingo dugu tailerrean?

(Esku-hartze proposamenak)